कृषि प्रविधीमा फड्को मार्दै रुपन्देही
कृष्ण खनाल
बुटवल, २० साउन ।
केही बर्ष पहिला खेत जोत्नको लागि गोरु, राँगा तथा पाडाको प्रयोग गर्दथे । तर अहिले भने किसानहरुले आफ्नो कृषिलाई व्यवसायीकरण संगै यान्त्रीकरण समेत गर्दै लगेका छन् । जिल्ला कृषि विकास कार्यालय रुपन्देहीबाट आर्थिक बर्ष २०७१÷०७२ मा ७ वटा पावर टेलर मेसिन वितरण भएको छ । जुन अनुदानको रुपमा उपलब्ध गराइएको हो । त्यस्तै सोही अवधीमा रोटाभेटर मेसिन, थे्रेसर मेसिन, सिड ड्रिल मेसिन, रिपर मेसिन, धान दाउने थ्रेसर मेसिन समेत १÷१ वटा किसानले सहुलियतमा लगेका छन् ।
यो केही उदाहरण मात्र हो । यसरी अनुदानको रुपमा विभिन्न यान्त्रहरु किसानले लैजाने क्रममा रुपन्देही प्रत्येक बर्ष जसो जारी रहन्छ । सिंचाहीको लागि यान्त्रीक ट्युवेल होस वा खेत जोत्नको लागि पावर टेलर समेत किसानहरुले अनुदानको रुपमा जिल्ला कृषि विकास कार्यालयबाट लैजाने गरेका छन् भने आफै समेत खरिद गर्ने गरेका छन् ।
जिल्ला कृषि विकास कार्यलय रुपन्देहीका प्रमुख बरिष्ठ कृषि विकास अधिकृत कृष्ण भद्र अधिकारीले अनुदानमा विभिन्न यान्त्रीकरण कृषि औजारको लागि बर्षेनै सयौ संख्यामा निवेदन पर्ने गरेका छन् । उनी भन्छन्–‘हामी बास्तविक किसानहरुलाई समेटर कृषी जन्य औजार र यन्त्र सहुलियतमा प्रदानग गर्दैै आएका छौं ।’
यस्तै जिल्ला कृषि विकास कार्यालय रुपन्देहीले कृषि यन्त्र पावर टिलर अनुदानमा प्राप्तिका लागि कृषि ईन्जिनियरिङ्क निर्देशनालयमा ७० जना किसानहरुलाई सिफारिस गरेको छ । जिल्ला कृषि विकास कार्यालयका बाली विकास अधिकृत जय बहादुर महत्राका अनुसार यसरी सिफारिस गरिएको कृषि यन्त्रहरुमा पावेर टेलर, एन्टी सिक्ट व्हील सिफारिस गरिएको हो ।
आर्थिक बर्ष २०७१÷०७२ मा साना सिंचाई, सहकारी खेती तथा मल वीउ ढुवानी कार्यक्रम अन्र्तगत जिल्ला कृषि विकास कार्यालय रुपन्देहीले ८७ जना किसानहरुलाई पम्सेट, बोरिङ्ग, मोटर डेलीभरी, ढिकी पम्प समेत वितरण गरिएको हो । किसानहरुले स्वतस्फुर्त रुपमा कृषिमा प्रयोग हुने विभिन्न यन्त्रहरु प्रयोग गर्र्दै आएका छन् ।