३१ बर्षमा १३ वटा संस्थाको प्रमुख
अपाङ्गताभएका व्याक्तिको सफलताको कथा
कृष्ण खनाल
बुटवल, ३२ असार ।
कास्की जिल्लाको रुपाकोट गाविस–६ रुपातालमा जन्मीएका नवराज अधिकारी अहिले अपाङ्गता भएका व्याक्तिहरुको विचमा उदाहरणिय बनेका छन् ।
जन्मेको ८ महिनामा आगोले जलेर दुबै खुट्टा गुमाएका अधिकारी अहिले ३१ बर्षको उमेर सम्म आउदा १३ वटा भन्दा बढि संस्थाहरुमा आवद्द रहेका छन् । कास्की जिल्लमा सफल मौरी पालक कृषकको रुपमा समेत आफ्नो पहिचान बनाएका उनीशिक्षण समेत गर्दछन् र एउटा सफल सञ्चारकर्मी पनि हुन ।
आगोमा जलेर उनको दुईवटा खुट्टा गुमेको छ । तर अहिले उनी कृतिम खुट्टा प्रयोग गरेर अहिले हिडँडुल गर्ने गर्दछन् । हाल लेखनाथ नगरपालिका–१४ कास्कीको सातमुहाने रुपातालमा बसोबास गर्दै आएका अधिकारीले वि.स.२०५६ सालमा सृजनशिल अपाङ्ग समाज स्थानपाना गरि त्यो संस्थालाई अहिले निरन्तरता दिएका छन् । उनि भन्छन्–‘अपाङ्गता हुदैमा हाम्रो क्षमता गुमेको हुदैन, हिम्मत र मिहिनेत गरेमा अन्य सवलाङ्ग व्याक्ति सरह जिवन यापन गर्न सक्छौ ।’
आफ्नो संस्था मार्फत कास्की र तनहँु जिल्लाका विभिन्न अपाङ्गता भएकाका लागि हक अधिकारको बारेमा करिब १५ बर्ष सम्म काम गरेका छन् । कास्कीको रेडियो बारहीमा १ बर्षकाम गरेका उनले अहिले रेडियो गोर्खाली १०६ मेगाहर्जमा ‘अपाङ्गता सरोकार’ कार्यक्रम पनि सञ्चाल गर्दै आएका छन् ।
अहिले श्री सिजृना बहिरा उच्च मा विमा अग्रेजी शिक्षकको रुपमा रहेका उनी कुशल मौरी पालक कृषक पनि हुन् । उनले ४० घार मौरी पालेका छन् । मौरी पालेरै बार्षिक करिव १ लाख ५० हजार रुपैयाँ सम्म आम्दानी गर्ने अधिकारीको तर्क रहेको छ ।
राज्यले अपाङ्गता भएका व्याक्तिहरुलाई हेयको दृष्टिकोणबाट नहेरी उनीहरुलाई महत्वपूर्ण अंगको रुपमा लिनु पर्ने भन्दै अधिकारी भन्छन्–‘अपाङ्गता भएका व्याक्तिहरुलाई दया मायाँ होईन अवसरको खाँचो रहेको छ ।’
समाजले अपाङ्गता भएका व्याक्तिहरुलाई उचित न्यय र अपाङ्गमैत्री व्यवहार गर्नुपर्नेमा उनको धारणा रहेको छ ।
अधिकारीको परिवारमा अहिले एक छोरा नविन अधिकारी र १ छोरी नम्रता अधिकारी, बाबु कृष्ण प्रसाद अधिकारी, आमा राधा देवी अधिकारी र श्रीमती दुर्गा देवी अधिकारी रहेका छन् ।
उनीले काउन्सीलरको रुपमा ३ महिना तालिम लिएका छन्, त्यस्तै पिआरुटि ३ महिने र बिईसीको राष्ट्रिय प्रशिक्षको रुपमा रहेका छन ।
विए, विएडमा स्नातकोत्तर(एमएड) गरेका उनी प्रध्यापन तर्फ ३ बर्षको अनुभव समेत संगालेका छन् ।
अपाङ्गता भएका व्याक्तिहरुले पनि मिहिनेतका साथ संघर्ष गरेमा सफल हुन सकिने उनको तर्क रहेको छ ।