लागुऔषध विरुद्व ‘जाग्दै समुदाय’
कृष्ण खनाल बुटवल, १७ माघ । सैनामैना नगरपालिका–४ भाटाको एक घरमा केही समय पहिला परिवारले एउटा मन्दिर निमार्ण ग¥यो । गाउँका सबैलाई खबर गरियो । मन्दिरको उद्घाटनको दिन भव्य पुजा समेत लगाईने भयो । सोही अनरुप विभिन्न टोल–टोलबाट आफन्त तथा आमन्त्रीत मानिसहरु उक्त घरमा भेला भए । हर्षका साथ भेला भएका निम्तालुहरु घरमा पुग्दा भने त्यहाको बातवरण नै अर्कै थियो । सबै सोकमग्न थिए, कसैको मुहारमा हासो थिएन् केवल नैरस्यता मात्र थियो । कारण हो जुन घरमा मन्दिर निर्माण गरिएको थियो भव्य पुजाआजा सहित रमाईलो गर्ने योजना थियो । तर त्यहि घरका एक छोरा अघिल्लो दिन लागुपदार्थ (ड्रग्स) सेवन गर्दा डोज बढि भएर उनी सदाकै लागि संसार छाडेका थिए । जसको कारण मन्दिर उद्घाटनको लागि आयोजना गरिएको पुजामा उपस्थिती भएका सबै निम्तालु मलामी बनेर फर्किए । यो सैनामैना नगरपालिका अन्र्तगत भाटा गाउमा भएको एउटा प्रतिनिधि घटना हो । पछिल्लो समयमा लागु औषध प्रयोगकर्ताहरुको बढ्दो विकृतीको एउटा रुप थियो यो । यसरी त्यस्तै घटना अव सैनामैना नगरपालिका भित्र नघटोस भनेर त्यहा स्थानिय, आमा समुह, विद...
